القطار السريـــــع
**
يالله نركب هذا القطار السريع
تت توت تت توت
دنيانه حلوه اوهب نسيم الربيع
تت توت تت توت
**
يا محلى الجو ابهل يوم..والكون انفتحت ازهاره
واتفوح اعطور الجوري..والغيم ايلاعب امطاره
قوموا اويانه يا حلوين..لا يقعد واحد في داره
ياخذنه اقطار الفرحه..من حاره ايودينه افحاره
خنزور المختار انبوس ارض البقيع
**
مسرورين الهالرحله..اوبصوات الفرحه انناديه
واتشاركنه ابفرحتنه..واتغني افراشات الوادي
نتعنه اعلي وانزوره..نركب وانصلي اعلى الهادي
وابارض النجف الحلوه..غرد صوت الطير الشادي
جيبوا كل اخوتكم مركبنه واسع
**
ياخذنه الشوق الوردي..وخيوط الشمس اتدفينه
والكربله بينه ايسافر..بالسان الفرحه ايناغينه
كل واحد ورده ابايده..والشاهدنه البدر ابعينه
وانزور حسين اوعباس..وانعلق في الدنيه ابزينه
دنيانه تتشكر من هذا الصنيع
**
نتعنه الرضا وانزوره..كلنه نقصد جنة مشهد
ابن الزهراء والكرار..انموت ابحبه والله اليشهد
ورده اببستان الدنيه..والشامه التلمع فوك الخد
ايه ابقران الهادي..كل بستان ابحبه ورد
علخير ايدلينه حبهم ما نضيع
**
قربت تخلص رحلتنه..والشاطر يفرح ويانه
منهوالي ايحب المهدي..يرفع ايده اويصرخ انا
نتامل طلعت نوره..وابضله الخالق يرعانه
وايشاركنه ابفرحتنه..عصفورة اترفرف جنحانه
كل بلبل يتغنه ابلسانه البديع
**توتوتتت
موضوع: القطار السريع 
الإثنين أبريل 14, 2008 12:46 pm